Шетел тілі пәні мұғалімдеріне арналған "Үздік шет тілі сабағы" қалалық байқауында мектебіміздің ағылшын тілі пәнінің мұғалімі Абылқас Меруерт Төлеуханқызы ІІІ орынға ие болды. Құттықтаймыз!

Жергілікті кәсіптік одағының ұйымдастыруымен ШАХМАТТАН мектеп қызметкерлері арасында өткен жарыста мектебіміздің бастауыш сынып мұғалімі Айнұр Ақтайлақ "Үздік ойыншы" атағына ие болып, облыстық жарысқа жолдама алды. Ал командамыз 5- орынға табан тіреді. Құттықтаймыз! Сондай-ақ ҮСТЕЛ ТЕННИСІНЕН мектеп қызметкерлері арасында өткен жарыста мектебіміздің командасы кіші финалға шығып - ІҮ орынға табан тіреді. Жеңіс тұғырынан көрінейік!

2022 жылдың 28 желтоқсан күні Талдықорған қаласындағы әскери полиция бөлімінде мектебіміздің оқушыларына Ашық есік күні ұйымдастырылды. Шара барысында балалар әскери құқық қорғау органдары қызметінің ерекшеліктерімен жақынырақ танысуға мүмкіндік алды. Қару-жарақтың түр-түрімен, кинологтардың жұмысымен және уақытша ұстау изоляторымен танысып қайтты.

2022 жылдың 30 желтоқсан күні Тоғызқұмалақтан өткен Жетісу облысының командалық чемпионатында мектебіміздің оқушылары, апалы-сіңлілі қыздарымыз, жеңіс тұғырынан көрінді! 7а сынып оқушысы Биқасым Алима ІІІ орынға ие болса, 4а сынып оқушысы Биқасым Аружан І орынды жеңіп алды. Құттықтаймыз! Алар асуларын көп болсын!