“Жасөспірімдер арасында жүктіліктің алдын алу, репродуктивті сауаттылықты жоғарлату жөніндегі санитарлы-ағарту жұмысы”

“Балауса” қыздар ұйымы жұмысына сай 29.04.2025 күні қаламыздағы “Жастар денсаулық орталығы” мен “Салауатты өмір салтын насихаттау орталығы” мамандары, Тұтқабаева Сандуғаш Ерікқызы мен Бейсенбаева Кенжегүл Мұхитқызы келіп, 8-10 сынып қыздарымен “Жасөспірімдер арасында жүктіліктің алдын алу, репродуктивті сауаттылықты жоғарлату жөніндегі санитарлы-ағарту жұмысы” тақырыбы бойынша жиналыс өткізді.
Кездесу барысында мамандар жасөспірімдерге жүктіліктің ерте жастағы салдары, оның денсаулық пен болашаққа тигізетін әсері жайлы ашық әңгіме өрбітті. Сонымен қатар, репродуктивті денсаулық туралы маңызды мәліметтермен бөлісіп, қыздарға өз денсаулықтарына жауапкершілікпен қараудың маңыздылығын түсіндірді. Қатысушылар мамандарға көкейлеріндегі сұрақтарын қойып, нақты әрі пайдалы жауаптар алды.