"Жазғы алаң-2024" аясында Жетісу облысы білім басқармасының "Дене тәрбиесі, спорт, алғашқы әскери дайындығы және қосымша білім берудің ғылыми-тәжірибелік орталығының" ұйымдастыруымен “Жемқорлықсыз ел - гүлденген ел” тақырыбындағы өзін-өзі басқару ұйымының оқушыларымен өткен зияткерлік ойынында мектебіміздің 9”ғ” сынып оқушысы Сейдулла Айару үздіктер қатарынан көрініп, Алғыс хатпен марапатталды. Жетекшілік еткен Бейсенбай Гүлдана мен сынып жетекшісі Қ.Ж.Қуанышбаев Алғыс хаттарға ие болды.

«Қарлығаш» жазғы алаңының үшінші маусымының тоғызыншы күні 12.07.2024 ж. ертеңгілік таңғы бой жазу жаттығуымен басталды, әрмен қарай 7 сынып оқушылары қала шетінде орналасқан Қаратал пляжына барып суға шомылып, табиғат аясында қызықты ойындар ойнаса, 2 сынып оқушылары қаламызда орналасқан “Family park” бассейініне барды.  

«Қарлығаш» жазғы алаңының үшінші маусымының сегізінші күні 11.07.2024 ж. ертеңгілік таңғы бой жазу жаттығуымен басталып жазғы алаң балалары арасында “Спорт достықтың кепілі” атты көңілді-эстафеталық ойындар өткізілді. Іс-шараның мақсаты: Балаларға салауатты өмір салтын насихаттау, командалық бірлікті нығайту, белсенді өмірлік ұстанымды қалыптастыру. ​https://www.instagram.com/p/C9Rk8bwiPR3/​​​

«Қарлығаш» жазғы алаңының үшінші маусымының жетінші күні 10.07.2024 ж. ертеңгілік таңғы бой жазу жаттығуымен басталды, әрмен қарай 7 сынып оқушылары Мұхамеджан Тынышпаев атындағы тарихи-өлкетану музейіне саяхат жасаса, 2 сынып оқушылары қаламыздағы балаларға арналған «Big smile» ойын-сауық орталығына барып көңілдерін көтеріп қайтты.  

«Қарлығаш» жазғы алаңының үшінші маусымының алтыншы күні 09.07.2024 ж. ертеңгілік таңғы бой жазу жаттығуымен басталды, әрмен қарай “Көңілді серуен” ұранымен табиғатқа саяхат шығып, қызықты ойындар ойнады. ​https://www.instagram.com/p/C9MVTnrCNss/​​​

Мектебіміздің 11а сынып оқушысы Бейсенбек Мерей Қырғызстан Республикасы Ыстық-көлде өткен халықаралық "Жұлдыз-Арт" байқауында Вокал номинациясы бойынша Бас жүлдеге ие болды. Құттықтаймыз!

Мектебіміздің 11 сынып түлегі Кемелханқызы Нұршат дзюдо күресінен Алматы қаласында өткен Азия Кубогында жүлделі ІІІ орынға ие болып, осы аталмыш жарыстың екінші мәрте жүлдегері атанды. Нұршатқа білім гранты иегері атануына тілектеспіз! Құттықтаймыз!

«Қарлығаш» жазғы алаңының үшінші маусымының бесінші күні 05.07.2024 ж. ертеңгілік таңғы бой жазу жаттығуымен басталды, әрмен қарай «Еco hiking» ұранымен табиғатқа саяхат шығып, экологиялық тәрбие бағытында викториналық сұрақ-жауап ұйымдастырылып, қызықты ойындар ойнады.

«Қарлығаш» жазғы алаңының үшінші маусымының төртінші күні 04.07.2024 ж. ертеңгілік таңғы бой жазу жаттығуымен басталып, балаларымыз Астана күніне орай «Астана – еліміздің жүрегі» тақырыбында асфальтқа сурет салды. Әрмен қарай «Жаз келіп жайды құлаш біздерге!» ұранымен 2 сыныптар қаламыздағы балаларға арналған "KIDS PARK TALDYKORGAN" ойын-сауық саябағына барып, аттракциондарда ойнап, көңілдерін көтеріп қайтса, 7 сынып оқушылары орталық саябақтағы аттракциондарда ойнап қатты.

"Қарлығаш" жазғы алаң балалары «Кино-тайм» айдарымен кинотеатрға барып, «Головоломка-2» анимациялық фильмін тамашалап қайтты. Сондай-ақ 7 сынып оқушыларымен «Жаз көңілді жарқылдаған» ұранымен психологиялық тренинг өткізілді.