«Ата-аналардың бала тәрбиесіндегі жауапкершілігі және ұстазға деген құрметі» - ата-аналар жиналысы

Үстіміздегі жылдың 20 қыркүйек күні мектебімізде жалпы мектепішілік ата-аналар жиналысы өткізілді. Күн тәртібінде 4 мәселе қаралды: 1.«Ата-аналардың бала тәрбиесіндегі жауапкершілігі және ұстазға деген құрметі». 2.«Жасөспірімдер суицидінің алдын алу және болдырмау» 3. «Жасөспірім және құқықбұзушылық». 4."Қауіпті интернет желісі". Алғашқыда псхологиялық тренинг өткізіліп, мазмұнды видео топтамалар көрсетілді. Әр ата-анаға жадынама парақшалары таратылып, кеңес берілді. Жиын барысында ата-аналар көкейкесті сұрақтарын қойып, тұщымды жауаптарын алды, жиналыс соңында өз ойларымен бөлісіп, ұсыныстарын білдірді. Жиналысты мектеп психологтары А.Н.Нұғыманова, Д.Көкежанова, әлуметтік педагог Б.Ерғожа, мектеп инспекторлары Г.Сәкенова мен М.Қозілияс және директордың ТЖ орынбасары Қ.Ж.Қуанышбаев пен мектепішілік ата-аналар комитетінің төрайымы Әсия Жолыбекқызы жүргізді.