«Талдықорған қаласы білім бөлімі» ұйымдастырған, қала мектептері арасында өткен «Білім беру ұйымының үздік жоспары – 2021» байқауында мектеп басшысы Шалқар Мелісұлы бастаған командамыз екінші мәрте жүлделі IІІ орынға ие болды. Құттықтаймыз! Жеңістен жеңіске жете берейік!

Мектебіміздің "Балауса" қыздар ұйымының жоспарына сай 6-7 сынып қыздарымен мектеп психологтары Б.Ерғожа, Д.Көкежанова, педагог-ұйымдастырушы Б.Тайыржан бейнеролик көрсету арқылы “Қыз болашағы, ұлт болашағы” тақырыбында жиналыс өткізіп, қыз тәрбиесі, қыз бала мен ананың, қыз бала мен әкенің, қыз баланың басқа да адамдармен қарым- қатынасы жайлы, жыныстық тиіспеушіліктің алдын алу шаралары жайында ашық әңгіме жүргізді. Қыздар өз ойларымен бөлісіп, мазалаған сұрақтарына жауаптарын алды.

2021 жылдың 06 қазан күні жасөспірімдер арасында құқықбұзушылықтың алдын алу мақсатында мектептің тәрбие бөлімінің ұйымдастыруымен жоғары сынып оқушыларымен "Жасөспірімдер арасындағы құқыбұзушылық және зиянды әдеттер", "Кәмелеттік жасқа толмағандар арасындағы жыныстық сипаттағы зорлық-зомбылық" тақырыптарында ашық алаң жиналысын өткізді. Аталмыш жиынға қалалық полиция департаментінен полиция аға лейтенанттары Г.Сәкенова мен Е.Нусиповтар қатысты. Шара барысында полиция қызметкерлері сөз алып,

Қазанның бірінші жексенбісі - Ұстаздар күні. Кәсіби мереке қарсаңында мұғалімдердің мерейін асырып, еңбегін бағалау дәстүрге айналған. Осыған орай 01.09.21 күні Жанаргүл Сағымжанқызы мен Айнұр Жұмағазықызының жетекшілігімен 11 сынып оқушылары мерекелік концерт ұйымдастырды. Мектеп директоры Шалқар Мелісұлы кәсіби мерекемен құттықтап, бірқатар ұстаздарды түрлі дәрежедегі Құрмет грамоталарымен марапаттады. Өнерлі оқушыларымыз әннен шашу шашып, мың бұрала билеген бишілер өнерлерін ортаға салды.

Мектебіміздің "Жас Ұлан" ұйымы мен "Тамшы" еріктілер клубы мүшелері, кадет сыныбы оқушылары және мұғалімдеріміз Ұстаздар күні мен Қарттар күні аясында ардагер ұстаздарды айтулы мерекелерімен құттықтап шықты. Осы игі шара жылдың соңына дейін жалғасын таппақ...

Мектебіміздің "Жас Ұлан" ұйымының мүшелері, 10 сыныптың оқушылары Ұстаздар күніне орай 01.10.21 күні "Өзін-өзі басқару күнің" ұйымдастырды. Мақсаты: Жеке тұлғаның өзін-өзі жүзеге асыруына жағдай жасау, дербестікке, тапсырылған іске жауапкершілікпен қарауға тәрбиелеу, оқушылардың шығармашылық қабілетін дамыту. Мұғалім мамандығын насихаттау. Көшбасшылық дағдыларын қалыптастыру.

“Тіл - білімнің кілті” атты онкүндік аясында 6-7 сыныптар арасында "Тіл мерейі - ел мерей" атты мәнерлеп оқу байқауы өткізілді. Байқау қорытындысы бойынша І-орынды 7в сынып оқушысы Сарықан Кәлима, ІІ-орынды 7б сынып оқушысы Нұқасым Мубина мен 7а сынып оқушысы Амантай Нұрай, ІІІ-орынды 6б сынып оқушысы Айқынұлы Шапағат, 6ә сынып оқушысы Серікқабыл Жаннұр және 7а сынып оқушысы Ермекбай Альфия иеленді. Құттықтаймыз!

ҚР Тәуелсіздігінің 30 жылдығына орай 21.09.2021 күні мектбіміздің "Алаш" дебаттық клубы жетекшісі Әсел Ерланқызы Абдрахманованың ұйымдастыруымен 6 сынып оқушылары арасында "Тәуелсіздік - Тұғырым" атты дебаттық ойын өткізілді. Мақсаты: Оқушылардың шығармашылық қабілеттерінің айқындалуына мүмкіндік беру. Шешендік өнер және жұрт алдында сөйлеу мәдениеті қалыптасқан талантты жастарды анықтау және ынталандыру. Мектеп оқушылары арасында пікір-сайыстың деңгейін көтеру.

Мектебімізде "Жас Ұлан" мен "Өзін-өзі басқару" балалар мен жасөспірімдер ұйымы ережесіне сай 2021 жылдың 8-22 қыркүйек күндері аралығында "Мектеп Президентін" сайлау науқаны жүргізілді. Әр үміткер осы күндері аралығында өз бағдарламасын таныстырып, мектептің әлеуметтік желідегі парақшаларында жарияланды. 22 қыркүйек күні .docs.google.com. платформасы арқылы онлайн дауыс беріліп, сайлаудың нүктесі қойылды. “Мектеп Президентін” сайлау бойынша дауыс беру нәтижесінде үміткерлер: 10 “Ә” сынып

Ағымдағы жылдың 22 қыркүйек күні мектебімізде дене шынықтыру пәні бірлестігінің ұйымдастыруымен ҚР Тәуелсіздігінің 30 жылдығы мен Талдықорған қаласының 20 жылдық мерей тойына арналған 7-10 сыныптар аралығында ФУТБОЛДАН жарыс өткізілді. Жарыс қорытындысы бойынша 8 сыныптар І орынға, 9 сыныптар ІІ орынға және ІІІ орынға 10 сынып командасы ие болды. Сонымен қатар 9а сынып оқушысы Серкан Жан "Үздік шабуылшы" атағына, 8б - Жақсылық Әбілмансұр "Үздік қақпашы", ал 7в сынып оқушысы Зейнел Өскен "Үздік